KURTL KREISCH
| Texte Kabarett | Texte Sex | Texte Romantik | Texte Oag |
| Tiergedichte | Sketches | Postkartengedichte |
Hallo hallo, mia san guat drauf,
drahts die Scheinweafa uandlich auf.
Vü rotes Licht und a des grüne,
oba bitte ka Nebl auf da Bühne.
Damit ma olles gaunz genau siecht,
weu unsa Auftritt is a Gschicht.
Mia mochn a riesige Bühnenscho,
do haut si sicha des Publikum o.
Mia tan Sochn singen,
die kaun ma net im Radio bringen.
Uns is des wuascht,
mia san die Bänd,
die kana kennt.
Und schpü ma voa an voin Haus,
ziagn ma uns gaunz nockat aus.
Nua da Zeugla ghoit si dHosn aun,
weul a si beim Schpün schlecht ausziagn kaun.
Die Göals faungan aun zum schrein,
da Bassist fiat si die Klaumpfn ein.
Die Sängarin hot ins Mikro bissn
und da Rohdi in Vaschteaka gschissn.
Da Gittarist hot in Vazerra brunzt,
Gott sei Daunk woa dea umsunst.
Den haumma bei an Wettbeweab gwunnan,
waumma vaschprechn, dass ma nimma kumman.
Eichre Ötan haum eich voa uns gwoant,
mia san da Teifl ois Bänd getant.
Die Mütta schpean die Töchta weg
und die Großmütta schteam vua Schreck!
Mia tan Sochn singen,
die kaun ma net im Radio bringen.
Uns is des wuascht,
mia san die Bänd,
die kana kennt.
