KURTL KREISCH

Unlängst geh i in a Disko, siach i ane taunzn,

denk ma: »Di is gaunz alla, heast do häst no Schanzn.

Schtöst di hoit dazua und tuast a bissl schnaxln,

im Takt so mit di Finga und a bissl mit di Haxln.«

Sie übareißt glei, dass i mit ia aunbandln mecht.

Si schaut mi aun, i denk ma:

»A des Gsicht is goa net schlecht.«

Do draht sa si um, i hob den Hintan wisawi.

Hoit wos is denn los auf amoi? Jetzt oda nie!

Jo oda na,

wüsd oda wüsd net?

I hob a große Wohnung und a

riesiges Bett!

Na guat, daun setz i mi aun die Ba auf an Hocka,

beschtöh an Whisky pua und gib mi hoit recht locka.

Nem mia sitzt a blondes, echt leiwaunds Disko-Hasal

und schlüaft gaunz vawiat aus ian lean Kola-Glasal.

Sie übareißt glei, dass i mit ia aunbandln mecht.

Si schaut mi aun, i denk ma: »A des Gsicht is goa netschlecht.«

Do draht sa si um, i hob den Hintan wisawi.

Hoit wos is denn los auf amoi? Jetzt oda nie!

I glaub, i meak, des wiad nix mea, heit hob i niagns a Schauns.

Drum schteig I auf mei Eisn und foa aungfreffn zaus.

Wie i s Haustoa aufschpean wü –auf amoi, schtöts eich vua,

kummt a Madl gaunz in Goid und Leda auf mit zua.

I übareiß glei, dass die mit mia aunbandln mecht.

Sie schaut mi aun und denkt sie: »Heast dea wa net schlecht.

Dea schaut so aus wie wenna woit und hätt am Marie.

Mia is scho koit, do moch i s büllich. Jetzt oda nie!

Jo oda na, wüsd,

oda wüsd net?

I hob a klane Wohnung oba a

riiiesiges Bett!