KURTL KREISCH

Unlängst woit i wieda moi in a Disko gehn,

do hob i glei a leiwaunds Madl gsehn,

die woa echt toi

aunzogn mit an weißn Owaroi.

Sie is die gaunze Zeit auf iam Sessl klebt,

oba i hobs afoch gschnappt

und auf die Taunzflächn gschleppt,

oba ois woa voi:

Übaroi taunzns Rockn Roi.

Und im Kopf und im Hian

und in da Lungen und di Nian

und im Öbogn und im Oam

und im Oasch und im Daam:

Ois is voi,

übaroi dea Scheiß Rockn Roi.

Und in die Uan, in da Nosn

und im Schwaunz, in da Blosn

und in da Leba, in da Goin

und in die Fiaß und auf die Soin:

Ois is voi,

übaroi dea Scheiß Rockn Roi.

Und daun bin i in a klans Plottngschäft gaungan

und woit amoi a richtige Schnuizn valaungan,

mit oin Drum und Draun,

wo ma guat dazu schmusn kaunn.

Da Vakäufa hot gsogt: »Suachns söba do links.«

und i wüh so umadum, oba i find leida nix,

weu ois is voi:

Übaroi dea Scheiß Rockn Roi.

Und in da Pappm und im Mogn

und in die Hoa und im Krogn,

und im Hian und im Gnack

und zwischn d Fiaß im Eiasack:

Ois is voi,

übaroi dea Scheiß Rockn Roi.

Und im Heaz und in da Müz

und in die Wimmal und im Püz

und in die Finga, in da Haund,

und in die Schuach und im Gwaund:

Ois is voi,

übaroi dea Scheiß Rockn Roi.

Gestan hob i wieda moi mein Onkl besucht,

und weul a Oazt is, hot a mi glei untasucht,

I hob »Ahh« gsogt,

und nocha wora füachtalich gschockt.

Ea hot gsogt, in bin a medizinisches Fänomen,

mei Köapa is so komisch, sowos hot a no net gsehn:

Ois is voi:

Übaroi dea Scheiß Rockn Roi.